Pra(da) met jou plante!

This slideshow requires JavaScript.

Dit is nie verniet dat die natuur-kenners sê dat ‘n mens met jou plante moet praat nie. Waar sommiges se passie in ink lê; op die sport veld; in die wingerde; in ‘n hospitaal; agter die lense van ‘n kamera; agter ‘n lessenaar of op die verhoog, lê my ma se passie in haar tuin.

Om met haar plante te praat is soos om gedigte op die natuur te skryf. Plante se kleure en geure is soos mooi woorde wat die natuur vir jou fluister. My mamsie is lief vir elke hoek en draaitjie van haar tuin, selfs die boorgatwatertenk is met ivy bedek en toegeplant om ‘n mooi ‘hoekie’ te skep!

My ma se tuin het karakter, wandel padjies en hoekies vir elkeen om sy eie rusplekkie in die tuin te vind.

Plante praat ook nie terug nie